Es Schärbemeer tribt dür mi Gring
Frage choche aber si no nid ling
E graui Wulkedechi umhüllt mer mis Härz
dr Alltag isch zeichnet vo Schmärz

Verlore schwümme imne Ozean vo Gfüeu
ja-nei-ja
Bi niene deheime a keim einzigen' Ort
Warum hesch du mi verlah ohni es Wort?

Mit voller Wucht mis Vertroue missbrucht
s'roubt mer dr Schnuf – bisch no stouz druf?
Frag über Frage

S'isch zwar verbii, aber no nid für mi
und i frage mi werum's so isch gsy
Frag über Frage

No we dr letscht Rägetropfe isch vom Himu gheit
Mis Lide immer no schreit
u o we di letschti Träne gflosse isch 
si d'Frage no nid vom Tisch

Mit voller Wucht mis Vertroue missbrucht
s'roubt mer dr Schnuf – bisch no stouz druf?
Frag über Frage

S'isch zwar verbii, aber no nid für mi
und i frage mi werum's so isch gsy
Frag über Frage